引述 :『http://knife-tw.blogspot.com/2008/01/120-alex-tsai.html 猶會記咧舊 (2007) 年 4 月 26 日，老地方冰果室台灣分壇壇主之一的 Alex Tsai 共女朋友 Wendy 求婚成功（請參考這篇報導），請眾冰果室友佇 Le Park Cafe 灌黑啤嚕灌予爽快，親像無外久進前遮發生的代誌。時間過了真緊，這件好事陣總算開花結果，老刀總算會凍啉著甜蜜的喜酒。既然冰果室眾朋友逐家難得鬥陣見證老蔡怹 2 人的喜事，所以當然愛鬧熱一咧；這擺應該是老刀目前為止拄著上濟台單眼數位相機齊發的婚禮，冰果室眾朋友逐个朋友實在有夠人情味啊！這擺冰果室眾來賓內底，有 2 个對國外來的貴客：冰果室總壇壇主白萊恩（對米國轉來）、另外 1 位是新加坡來的思慶兄，拄好怹佮老刀坐仝桌，所以會凍留下相片做見證。其他閣有老木村、阿清做伴郎，怪醫、老恩、詹姆士、燦哥、五樣、Bianca、超哥、Jerry.、Maxx、進藤光、Le Park Cafe 的鄧老闆，猶閣有一寡無寫著的好朋友，想欲看逐家真面目，歡迎來參觀我的 flickr 相簿。 』