我整個ê計劃是，這個網站ê正式語言至少應該包括台語（hô-ló台語、客家台語、原住民語）、華語、日語、英語這四種語言，án-ne才有法度表現台文研究ê歷史特質。不過，人ê生命、氣力有限，我仝一個時陣beh掠四隻兔仔，有影是阿婆--a生囝，chiâ°拼--leh!所以初步決定先用我家己ê母語──mä是大部分台灣人ê母語──做頭陣，向望後手有趣味ê朋友，oan-nä褲腳pih--起來，做伙liâu落來tàu-sa°-käng，將其他三種語言këng--起來。
我深深覺悟，台語nä無緊透過正式教育ê傳授佮推廣，免jöa久就會h³獨尊獨霸ê華語斬草除根兼滅種！但是，台語教育正規化ê時間表tang時才有法度sa--出來？照現此時ê勢面來看──hông洗腦洗kah對母語失落感覺無要無緊ê人，特別是少年輩，愈來愈濟──實在是h±-suh破孔真phái講。所以咱bë-tàng koh再等，咱愛大步先hä°--出去，親像過去所有惡質制度ê改革，攏是民間行進前，官方tiàm後壁哭父哭母大聲hiu大聲hoah,講擋--leh,bë使變bë使改，nä ˜聽，kä你掠起來thâi，kä你關入去籠á內！
