Nine Inch Nails（九吋釘）為著答謝歌迷幾冬來的支持，特別共上新的 The Slip 規塊專輯所有歌曲攏總開放予你免費掠落來聽！實體的 The Slip 專輯 CD 佮烏膠曲盤（唱片）將佇今年 7 月推出。

自從頂禮拜老刀介紹了 Vixen 這个攏總是媠姑娘的組合了後，熱心的朋友希望會凍閣再聽一寡查某歌手的作品。所以為著回應朋友的意見，這禮拜老刀欲來介紹 Patty Smyth 予逐家，Patty 嘛是查某搖滾歌手內底，老刀個人上佮意的一个。

相信真濟搖滾迷攏知影，真濟出名的搖滾團體攏是查甫人的天下；雖然查某佇搖滾樂界絕對是弱勢，並毋是代表查某人著未曉耍搖滾。這擺老刀欲介紹的 Vixen，著是 4 个媠姑娘組合的女子重搖滾/金屬團體。

三月總統大選拄結束，台灣的政治長久以來佇藍綠 2 黨惡鬥之下，民眾生活的艱苦，毋是老刀拍這幾字著會凍來形容。這擺藍黨得著勝利，一黨獨大有人歡喜、嘛有人憂愁。毋管如何， 2008 年 5 月 20 日了後，台灣人所面對的將是一个「充滿變革的全新時代」。所以老刀這擺欲介紹 Scorpions 的 "Wind of Change" 來應景。

這擺老刀欲介紹的 "Photograph" 這條歌，是怹第 3 塊專輯 Pyromania 的主打歌。Pyromania 嘛是 Def Leppard 黃金陣容無使用電子樂器的唯一專輯（後一塊 Hysteria 鼓手 Rick Allen 失去倒手的關係，必須愛利用電子鼓演出），愛聽 Def Leppard 粗獷的原味，Pyromania 絕對是一定愛聽的專輯。

這擺老刀欲介紹的 "Livin' on the Edge" 選自 1993 年的 Get a Grip 排行冠軍專輯，嘛是我上愛的歌曲之一。 另外猶閣有 "Amazing" 這支 MV 愛順煞企紹予逐家。除了有媠姑娘仔 Alicia Silverstone，猶閣有一寡古董 Mac，尤其是限量的烏色 Apple Adjustable Keyboard，是 Apple 迷一定愛看的 MV 啊！

Kiss 予人印象上深的所在，永遠是 4 個大貓仔面（其實 4 個化粧攏有伊特殊的名字）。佇 1970s 彼个年代，Kiss 的歌詞作品內容實在傷過創新，加上 Kiss 的舞台表演嘛是一絕：滿場的水霧、噴火、吐血的場面，創新前衛的程度予怹絕對成為是誠受著青少年囝仔歡迎的團體之一，但是嘛是囝仔家長上頭殼疼的對象啊。

受著 Black Sabbath、Alice Cooper、Motörhead 影響真深的 Twisted Sister，1982 年佇英國發表第 1 片 LP 專輯 Under The Blade，連鞭著受著注意，但是 1984 年發表第 3 塊專輯 Stay Hungry，遮是商業上得著真正成功的作品；這擺欲介紹予逐家的 "We're Not Gonna Take It" 著是這塊專輯的主打歌曲。

這擺老刀欲介紹的 "You Shoot Me All Night Long" 是 AC/DC 的招牌歌之一，這條歌有 2 个版本。頭先是 1980 年 7 月發行單曲，收錄佇 1980 年 Back in Black 這塊有史以來全世界銷售量第 2 濟的專輯（賣第 1 濟的專輯是 Michael Jackson 的 Thriller），嘛是 Brian Johnson 入團加入製作的第一片。6 年後發行的 Who Made Who 專輯重新收錄這條歌，佇 1986 年 5 月閣再發表。下跤這支 MV 是 1986 年的版本。