Nine Inch Nails 上新專輯 "The Slip" 免費掠落來聽！ 
Nine Inch Nails（九吋釘）為著答謝歌迷幾冬來的支持，特別共上新的 The Slip 規塊專輯所有歌曲攏總開放予你免費掠落來聽！實體的 The Slip 專輯 CD 佮烏膠曲盤（唱片）將佇今年 7 月推出。
教育部公布「臺灣閩南語推薦用字」第 2 批、「臺灣閩南語卡拉 OK 正字字表」
舊年教育部公布「臺灣閩南語推薦用字」第 1 批 300 字了後，本站連鞭著採用做為標準用字。昨日教育部閣再公布第 2 批 100 字，歡迎有興趣的朋友來參考看覓。
吳守禮教授的「台語正字」
「台語正字」介紹 20 个定定會用著的台語正字用詞，嘛按照古字字源詳細解說俗字是按怎予人誤用，親像「鬥腳手」是正字，俗字做「逗腳手」是誤用。逐篇讀起來攏真有趣味啊！
老刀精選 (11) - "Warrior" by Scandal
自從頂禮拜老刀介紹了 Vixen 這个攏總是媠姑娘的組合了後，熱心的朋友希望會凍閣再聽一寡查某歌手的作品。所以為著回應朋友的意見，這禮拜老刀欲來介紹 Patty Smyth 予逐家，Patty 嘛是查某搖滾歌手內底，老刀個人上佮意的一个。
老刀精選 (10) - "Cryin'" by Vixen
相信真濟搖滾迷攏知影，真濟出名的搖滾團體攏是查甫人的天下；雖然查某佇搖滾樂界絕對是弱勢，並毋是代表查某人著未曉耍搖滾。這擺老刀欲介紹的 Vixen，著是 4 个媠姑娘組合的女子重搖滾/金屬團體。
老刀精選 (9) - "Wind of Change" by Scorpions
三月總統大選拄結束，台灣的政治長久以來佇藍綠 2 黨惡鬥之下，民眾生活的艱苦，毋是老刀拍這幾字著會凍來形容。這擺藍黨得著勝利，一黨獨大有人歡喜、嘛有人憂愁。毋管如何， 2008 年 5 月 20 日了後，台灣人所面對的將是一个「充滿變革的全新時代」。所以老刀這擺欲介紹 Scorpions 的 "Wind of Change" 來應景。
【使用心得】前篇．moshi CARDETTE
資訊與科技的發達，加速了3C產業的蓬勃發展。人手一台照相機，隨手拍、到處拍，想拍就拍～相機可拍、手機可拍，就連webcam也可拍！拍完之後勒？那當然就是需要一個媒介將檔案傳輸到電腦或是輸出相片～這時候，「讀卡機」便扮演了非常重要的工作！幾乎人人手邊都少不了一台讀卡機。因此，如何選擇一台「讀卡機」便非常的重要，動輒4GB、8GB，甚至16GB的記憶卡都已經誕生了～數位相機的技術發達，相機畫素的大幅提升，造就了數位影像的大小，相對暴增不少！「讀卡機」的傳輸速率就格外顯得非常重要！
老刀精選 (8) - "Photograph" by Def Leppard
這擺老刀欲介紹的 "Photograph" 這條歌，是怹第 3 塊專輯 Pyromania 的主打歌。Pyromania 嘛是 Def Leppard 黃金陣容無使用電子樂器的唯一專輯（後一塊 Hysteria 鼓手 Rick Allen 失去倒手的關係，必須愛利用電子鼓演出），愛聽 Def Leppard 粗獷的原味，Pyromania 絕對是一定愛聽的專輯。
強迫 Pidgin for Windows 顯示漢文介面的方法
Pidgin（發音佮 "pigeon" 仝款，是「粉鳥」的意思）是一个佇 Windows 抑是 Linux 下跤支援 AIM/iChat/ICQ、MSN、Yahoo Messenger、Google Talk、IRC、QQ 佮一寡通訊協定的網路開講軟體。你若是有真濟款開講帳號，著毋免拍開一堆開講軟體，只要開一个 Pidgin 視窗著會凍做仝款的代誌。Pidgin 功能是遮呢強大，所以有人利用 Pidgin 的 purple 函式庫另外佇 Mac OS X 平台開發了 Adium X。所以說 Pigdin 是 Adium X 之父，一點仔攏無過份。
2/08 老地方冰果室聚會（年初二，高雄）召集令
因為老刀欲轉去高雄舊厝過年的關係，拄好新婚無外久的老地方冰果室「對帳蔡」(Alex Tsai) 頭一擺佮新婚的愛妻轉來高雄外家厝，所以著想欲佇高雄舉辦老地方冰果室網聚「新春加演場」。
重設蘋果筆電 MacBook/Pro/Air 系統管理控制器 (SMC) 的方法
系統管理控制器 (System Management Controller, SMC) 是 Mac 用來管理電源的重要單元。你的 Mac 使用一段時間了後，若拄著電源管理不正常的時陣（親像未過電、無法度進入「睡眠」、電池無法度充電、交流電源插入無反應），你著需要來重設 SMC。
歇禮拜，來聽歌：老刀精選 (7) - "Livin' on the Edge" 佮 "Amazing" by Aerosmith
這擺老刀欲介紹的 "Livin' on the Edge" 選自 1993 年的 Get a Grip 排行冠軍專輯，嘛是我上愛的歌曲之一。 另外猶閣有 "Amazing" 這支 MV 愛順煞企紹予逐家。除了有媠姑娘仔 Alicia Silverstone，猶閣有一寡古董 Mac，尤其是限量的烏色 Apple Adjustable Keyboard，是 Apple 迷一定愛看的 MV 啊！
UFO: Alien Invasion 2.2 支援 Mac OS X Binary
老刀足久以前捌佇 PC 頂頭耍過 UFO: Alien Invasion 這个物件，佮外星人激戰真是刺激啊，嘛對這个 freeware 的 game 留落真深的印象。UFO: Alien Invasion 的背景，是描寫 2084 年地球予外星人占領，你欲領著一陣熱血青年組織特攻隊佮殘忍的外星人戰鬥的故事。雖然伊是建立佇 Quake 2（雷神之鎚）的引擎開發（所以嘛有媠媠的畫面佮特效），但 game 的故事佮 Quake 完全無關係，電腦嘛毋免另外灌 Quake 2，是一款完全獨立的 game。
歇禮拜，來聽歌：老刀精選 (6) - "Shandi" by KISS
Kiss 予人印象上深的所在，永遠是 4 個大貓仔面（其實 4 個化粧攏有伊特殊的名字）。佇 1970s 彼个年代，Kiss 的歌詞作品內容實在傷過創新，加上 Kiss 的舞台表演嘛是一絕：滿場的水霧、噴火、吐血的場面，創新前衛的程度予怹絕對成為是誠受著青少年囝仔歡迎的團體之一，但是嘛是囝仔家長上頭殼疼的對象啊。
訂閱